HoReCaSoft програмаас борлуулалт татах

Шинэчилсэн:2025/05/02 Унших:1 мин 29 сек

HorecasoftLogo Dayansoft ERP систем нь 2022.4-р сард https://pms.horecasoft.mn/ -тэй холболт хийгдсэн бөгөөд тус системээр хийсэн өрөөний борлуулалт, бусад үйлчилгээний борлуулалтын мэдээллийг Dayansoft ERP системийн Борлуулалт - Борлуулалт цонхонд татах боломжтой. Борлуулалт татахдаа ажилтны гараагаар болон тухайн өдрийн хаалт хийсэн нийт дүнгээр татах 2 боломжтой бөгөөд аль хувилбараар борлуулалтаа татдаг байхыг Horecasoft-той ярилцаж тухайн системд тохиргоо хийлгэдэг.

HoReCaSoft тохиргоо хийх:

https://pms.horecasoft.mn/ -тэй гэрээ байгуулна.
Dayansoft ERP системийн Борлуулалт - Пос тохиргоо цонхонд зочид буудал, үйлчилгээний цэгээ бүртгэнэ. Төрөл баганын утга Hotel байхыг анхаарна уу.
Борлуулалт - Пос тохиргоо - Нэмэлт тохиргоо цонхонд дараах тохиргоо утгыг https://horecasoft.mn/ -с авч тохируулж хадгална.
- HoReCaSoft HotelCode
- HoReCaSoft Username
- HoReCaSoft Password
HoReCaSoft програмд борлуулах бараа үйлчилгээний кодыг Dayansoft ERP системд Бараа материал - Бараа код цонхонд ижил нэрээр кодлоно.

HoReCaSoft борлуулалт татах:

Цэс: Борлуулалт - Борлуулалт – Шинэ - Үйлдэл – Посын борлуулалт татах Энэ цонхноос Пос сонголтоос дээр тохируулсан зочид буудлаа сонгоод, хугацаагаа оруулж Харах товч дарна.
Тухайн өдрийн борлуулалт танай сонголтоос хамаарч гараагаар эсвэл нийт дүнгээр жагсаалт харагдах ба өдөр, гараагаа сонгоод Татах товч дарна.

HoReCaSoft борлуулалт татахад мэдэх шаардлагатай зүйлс:

Борлуулалт татах үед Бараа код, Бараа нэр хоосон харагдаж байгаа бол HoReCaSoft програмд тухайн үйлчилгээний кодыг бараан дээр тохируулаагүй байна гэсэн үг. Энэ тохиолдолд жагсаалтын толгой дээр хулганы баруун товч дараад Багана тохируулах цэсийг сонгон Бараа тайлбар баганыг ил харуулна. Бараа тайлбар багананд HoReCaSoft програмд борлуулсан бараа, үйлчилгээний нэр харагдана. Бараа кодыг тохируулсны дараа дахин татахад Бараа код, Бараа нэр бөглөгдөнө.
Хэрвээ Horecasoft програмаас ebarimt хэвлэсэн тохиолдолд Борлуулалт цонхонд ebarimt баганын утга чеклэгдсэн харагдана.
Хэрвээ борлуулалт татах цонхонд пос сонгоод Харах товч дарахад "User not authorized to get object type Pos" алдааны мессэж харуулж байгаа бол Admin хэрэглэгчдээ хандан Систем хэрэглэгч, эрх тохируулах зааврын дагуу Борлуулалт - Пос тохиргоо цонхыг Харах эрхийг өгсний дараа програмаас гарч, дахин нэвтрээд борлуулалтаа татаарай.