Дараах байгууллага болон хувь хүмүүс нь бизнес эрхлэгчдэд санхүү, татвар, нягтлан бодох бүртгэл болон бизнесийн зөвлөгөө, нэвтрүүлэлт үйлчилгээ үзүүлдэг бөгөөд Dayansoft ERP, POS програмуудын сургалт, зөвлөгөө, нэвтрүүлэлт дээр хамтран ажилладаг. Иймд та бүхэн дараах байгууллагуудаас сонгож мэргэжлийн зөвлөгөө, нэвтрүүлэлтийн үйлчилгээ авах боломжтой.

Бид санхүү, татвар, нягтлан бодох бүртгэлийн мэргэжлийн зөвлөх үйлчилгээ үзүүлдэг, байгууллагын санхүү бүртгэл хөтлөлт хийж тайлан баланс гаргах үйлчилгээ үзүүлдэг, ERP системийн нэвтрүүлэлт, сургалт үйлчилгээ үзүүлдэг хувь хүн, байгууллагуудтай нээлттэй хамтран ажиллах бодлогыг баримталж байна.

Хэрвээ та дээрх үйлчилгээг үзүүлдэг бол бидэнтэй холбогдоорой. Бид тантай, танай байгууллагатай хамтран ажиллах санал тавьж байна. Хамтын ажиллагааны гол зорилго нь та өөрийн сайн чаддаг зүйлээ, бид өөрсдийн сайн чаддаг зүйлээрээ хамтрах юм.

Хамтын ажиллагааны хэлбэр

• Dayansoft ERP, Dayansoft POS програм хэрэглэгч нь манай болон танай бүтээгдэхүүн үйлчилгээг авах дундын харилцагч болно.

• Даянсофт ХХК зөвхөн ашиглаж буй програмын лицензийн төлбөрөө авах ба програмтай холбоотой алдаа, асуудал, лиценз олголт зэрэг асуудлыг хариуцна. Лицензийн төлбөр нь манай веб сайт дээрх үндсэн үнээр байна.

• Програмын зөвлөгөө үйлчилгээ, нэвтрүүлэлтийг танай байгууллага, та хариуцна. Тус үйлчилгээний төлбөрийг дундын харилцагчтай та өөрөө тохирно. Тус тохиролцоонд Даянсофт ХХК-с ямар ч оролцоогүй байна.

• Бид танд, танай байгууллагад өөрсдийн програмыг ямар нэг лицензийн төлбөргүйгээр суулгаж, бүх боломж, функц, ажиллагааны талаар зааварчилгаа, зөвлөгөөг үнэ төлбөргүй өгнө. Өөрөөр хэлбэл, дундын харилцагч байгууллагын програм (бааз) руу хандах эрхийг танай байгууллагад олгох ба ямар нэгэн төлбөр тооцоо үүсэхгүй.

• Хамтын ажиллагааны эцсийн зорилго нь 3 талын аль алинд хамгийн ашигтай байх нөхцлийг бүрдүүлэхэд оршино.

• Хамтын ажиллагааны хүрээнд танай, манай 2 тал хооронд ямар нэг төлбөр тооцоо үүсэхгүй.

• Бид шинэ харилцагч байгууллагуудад хамтран ажилладаг мэргэжлийн байгууллагуудын үйлчилгээг санал болгоно. Танайх програм шаардлагатай шинэ болон одоогийн харилцагч байгууллагууддаа манай бүтээгдэхүүн үйлчилгээг санал болгоно.

Хамтарч ажилласнаар гарах давуу тал

• 2 тал өөр өөрсдийн чаддаг, хийдэг ажлаа хийх ба аль аль талын борлуулалтыг дэмжинэ. Мэдэхгүй, чадахгүй зүйлээ мэргэжлийн хүмүүс, багт даатгана.

• Бидний хувьд мэргэжлийн зөвлөх, үйлчилгээ үзүүлэгч хамтрагчтай болно.

• Танай байгууллагын хувьд найдвартай, мэргэжлийн програм хөгжүүлэгч хамтрагчтай болно.

• Дундын харилцагч маш хямд, боломжийн үнээр програм хангамж болон мэргэжлийн үйлчилгээг авах боломжтой.

Хамтран ажиллах бол

Манай мэйл, пэйж хуудас болон утсаар холбогдож өөрийн байгууллагын үйл ажиллагаа, туршлагын талаар дэлгэрэнгүй мэдээллээ ирүүлнэ үү. Бид тантай хамтын ажиллагааны гэрээ байгуулж хамтын ажиллагаагаа эхлүүлнэ. Хамтын ажиллагааны анхны дундын харилцагч байгууллагын 2 талын аль нэг нь олж, програм суулгаж, гэрээ байгуулснаар эхэлнэ.

Баярлалаа.